The Sunnyside of the Street: The Pogues
Wrth i mi chwarae fy nghaneuon “Life of Bryon” ar Spotify, un a chreais i ail-greu teimlad fy mhlentyndod, wnaeth sŵn ewfforic y chwiban tun, ffliwt, banjo, a’r acordion bendithio fy nghlustiau a ffrwydro i mewn i’r anthem "The Sunnyside of the Street" gan The Pogues. Wnaeth y cân suddo fi mewn tonnau o atgofion a theimlad gwir o obaith. Ers hynny dwi wedi ei ailchwarae’n ddi-stop.
Mae’r gân yn agor mewn ffordd fuddugoliaethus gyda sŵn gwerin Gwyddelig digamsyniol The Pogues yn tynnu chi mewn yn llwyr. Mae’r agoriad pedwar nodyn trawiadol sy’n codi nodyn bob tro yn adeiladu’r offerynnol mewn ffordd gyffrous, gyda’r drymiau wedi’u haenu ar ben hyn, ynghyd ag offerynnau pellach, mae o fel carnifal i’r clustiau.
Mae’r pennill cyntaf yn agor gyda llais nodedig Shane MacGowan, mae’r graean yn ei lais yn rhoi’r gân ei ochr punk yr oedd The Pogues yn enwog amdani.
Trwy gydol y gân, mae’n canu gydag agwedd ddi-sbonc ond hollwybodol sy’n helpu i gyfleu’r safbwynt “Sunnyside of the Street” ar fywyd er ei fod yn ymwybodol o’r erchyllterau sy’n digwydd yn y byd o’i gwmpas.
Mae’r gân yn archwilio’r cyferbyniad rhwng yr erchyllterau hyn a cheisio aros ar “the sunny side of the street” h.y., mewn cyflwr meddwl mwy postitif. Er enghraifft, mae’r pennill cyntaf yn adrodd hanes mynd i “carnifal Rhufain” gan gynnwys y “menywod” a’r “diod” ond dim ond yn gallu cofio “y plantos bach heb esgidiau”. I ddianc rhag y realiti brawychus hwn mae’r llais yn neidio ar drên “gyda chalon yn llawn casineb a chwant am chwydu” ac mae bellach yn “cerdded ar ochr heulog y stryd”. Yma mae Shane MacGowan yn cydnabod yn agored pa mor anodd yw anghofio beth sy’n digwydd yn y byd gan ei fod ond yn gallu cofio “y plantos bach heb esgidiau” o’i daith i Rufain. Mae’r llinell ocsimoronaidd o ei “galon llawn casineb a chwant am chwydu” (un o fy hoff linellau) yn dangos pa mor ddwfn yr effeithiodd hyn arno, mae’r ffaith ei fod yn chwantau am rywbeth mor ffiaidd yn amlygu pa mor bell y byddai’n mynd i newid ei deimladau o gynddaredd oherwydd ei anallu i newid y sefyllfa. Ar y holl, mae'n cydnabod y brifo yn y byd ond yn hytrach yn penderfynu byw ei fywyd ar ochr heulog y stryd, ffordd o fyw sy'n ymddangos yn symlach.
Wrth i’r gân barhau mae’r offerynnol yn parhau i fod yn rhagorol, mae’r ffordd mae’r offerynnau i gyd yn chwarae’n gydlynol i greu adeiladu effeithiol a dramatig i’r corws yn brydferth. Mae’n creu effaith emosiynol ond gobeithiol i’r gân, gan ymgorffori yn y bôn yn union sut mae’n teimlo ar ochr heulog y stryd. Erbyn y diwedd rydych chi'n teimlo'n ddyrchafol ac yn hiraethu i'r gân barhau, mae llinellau fel “Dydw i ddim eisiau cael fy aileni yn falwen” yn ail-chwarae yn eich meddwl am eu heffaith gomig a'u delweddaeth ddiddorol. Mae Shane MacGowan yn cyfleu pytiau bach o fywyd ar ochr heulog y stryd yn berffaith, gan adael i chi gael eich ysbrydoli.
Comments